In Mestreech viere v’r Vastelaovend same. Mèt meziek en kleur. Mèt joonk en aajd. En mèt tradities die al ginneraties mètgoon en tradities die spóntaon oontstoon. De Tempeleers zètte ziech ’t ganse jaor in veur de Vastelaovend in Mestreech én plezeer en sjariteit. Veer hoejere wat al decennia laank bij de Vastelaovend huurt én geve nui ginneraties de ruimte om hun eige tradities te make. Vaan de ierste carnevalskriebels bij kinder tot de groeten optoch en vaan ’t Prinsebal tot ’n spóntaon fies op straot: Vastelaovend beleefste same. Op deze website ontdèkste alles euver de Mestreechter Vastelaovend, de tradities en gebruke, de activiteite vaan De Tempeleers en netuurlek de väöl menere boe-op ste zelf kins mètdoen.