Vakkatuur: Grafische Vormgever – Pr-kemissie
19 september 2024Biste 'ne grafische vörmgever dee zien talent en ervaring wèlt inzètte veur de Mestreechter Vastelaovend? Daan make v’r gere kinnes mèt diech!
V'r zeuke 'ne enthousiaste en creatieve grafische vörmgever. Es vrijwèlleger vaan de PR-Kemissie biste verantwoordelek veur 't coördinere vaan de grafische vörmgeving vaan al eus utinge; online en offline. Dink aon flyers, oerkóndes, touwgaankskaarte en social media-formats. De wèrks same mèt eus mediapartners en zörgs deveur tot alle utinge in de gooje hoessstijl gemaak weure.
Wat geiste doen?
- Oontwerpe en coördinere vaan grafische utinge veur versjèllende communicatiemattriaole.
- Zörgdrage tot alle oontwerpe die gemaak weure in de gooj hoesstijl zien en passe bij de sfeer vaan de Vastelaovend.
- Samewèrke mèt externe mediapartners um te zörge veur consistentie in al eus uitinge.
- Creatieve ideeje bedinke um eus evenementen, activiteite en produkte te promote.
- Bijdrage aon 't visuele aspkct van euze social media presence.
Wee bis diech?
- De höbs ervaring mèt grafische vörmgeving en höbs 'n oug veur detail.
- De kins good umgoon mèt oontwerpsoftware wie Adobe Creative Suite (Photoshop, Illustrator, InDesign).
- De bis creatief en kins 'ne sterke visuele identiteit oontwikkele.
- De kins zelfstendeg en in teamverband werke.
- De bis bekind mèt de Vastelaovend in Mestreech.
Wat beeje v’r diech?
- 'ne Kans um dien creativiteit te laote zien aon e groet publiek.
- 'ne Belangrieke rol in de promotie van 't sjoenste fies van Mestreech.
- Samewèrke mèt 'ne gepassioneerde en enthousiaste team van vrijwèllegers.
Bis diech deginnege dee veer zeuke? Daan koume v’r gere mèt diech in kontak. Sjik us ‘n korte motivatie nao kretser@tempeleers.nl en laot us weite boerum tots diech ’t gezeukde loot oet de loterij bis. Vergeet neet 'ne paar veurbeelde van dein grafische wèrk mèt te sjikke!