Vakkatuur: Social Media specialis – PR-kemissie
19 september 2024Bis diech deeginnege dee 't vastelaovendssgeveul vaan Mestreech op 'n unieke wijs kin vaslègke en verspreie? Höbste 'n passie veur de Vastelaovend en biste 'ne echte social media specialis? Daan zeuke v'r diech!
Stadsvastelaovendsvereineging De Tempeleers zeuk 'ne enthousiaste en creatieve Social Media Specialis um eus PR-kemissie te versterke. De weurs verantwoordelek veur de Facebook, Instagram en YouTube accounts vaan De Tempeleers en de Stadsprins vaan Mestreech. En daoneve vraoge veer diech um ’t gebruuk vaan aander platforme wie TikTok te oonderzeuke.
Wat geiste doen?
- Creëere en behiere vaan content veur eus social mediakenaole.
- Sjrieve vaan posts en reacties in ‘t Mestreechs.
- Make en bewèrke vaan foto's en video's die 't carnevalsgeveul perfek vaslègke.
- Bedinke vaan creatieve en originele maniere um ’t Vastelaovendvierend Volk vaan Mestreech te betrèkke en te enthousiasmere.
- Analysere vaan de prestaties vaan eus posts en campagnes, en op basis daovaan bijsture.
Wee bis diech?
- De sjrijfs gemekelek en good in 't Mestreechs.
- De bis creatief en höbs ervaring mèt 't make en bewèrke vaan foto's en video's.
- De höbs kinnes vaan en ervaring mèt 't gebruuk van Facebook, Instagram en aander platforme wie TikTok.
- De bis 'ne carnevalsvierder in hart en nere en bis bekind mè de tradities vaan de Mestreechter Vastelaovend.
- De bis proactief, zelfstendig en höbs genóg tied en energie um ederein te laote zien wie sjoen de Vastelaovend is.
Wat beeje v’r diech?
- 'ne Kans um 'ne belangrieke rol te speule in de promotie van 't groetste fies van Mestreech.
- Creatieve vrijheid um dien ideeje tot leve te bringe.
- Samewèrke mèt 'ne enthousiaste organisatie
- 'ne Unieke ervaring boebij ste midde in de vastelaovend steis!
Is dit get veur diech?
Daan hure veer ’t gere. Sjik 'ne korte motivatie nao kretser@tempeleers.nl en laot us weite boerum tots diech de specialis bis dee de social media van de Tempeleers kin behiere. ’t Zouw sjiek zien este ouch get veurbeelde vaan dein creatief wèrk kins mèt sjikke.