2000 - 2009
2009
Noe geit ’t gebäöre! (Bert & Ursula Garnier)
Prins Patrick I (P. Van de Weijer)
Couplèt:
Es ‘r op de Merret weer gerope weurt,
’t benkelek momint en alles roed, geel, greun verkleurd,
daan bin iech neet te hawwe.
Nei, daan bin iech ech de klos.
Noe geit ’t gebäöre,
Iech goej alle remme los.
Refrein:
Want noe geit ’t gebäöre!
Iech zweer ’t geit miech aon m’n prij.
Noe, noe, noe geit ’t gebäöre en dat gebäört allein mer hei!
Iech wèl miech laote goon op de meziek.
Höb lang gewach, meh noe is ’t daan zoewied.
Noe geit ’t gebäöre, Vastelaovend in Mestreech!
2008
Dao kump Maria (Dorrie en Leo Satijn)
Prins: Richard I (R. Jongen)
Refrein: Jao, dao kump Maria
Met häöre wagel op ’t plein
Jao, dao geit Maria
Vastelaovend vint zie fijn
Jao, dat is Maria
De zuus ‘r euveral,
En kumpste Maria tege
Daan is ’t Carneval
Couplèt 1: Mèt de Vastelaovend
Geit eus Maria op stap
Vreuger mèt de kinder drin
Meh noe de lek’ren hap
De weurs en ouch gehakbelkes,
En blökskes awwe kies
Die deilt zie oet aon ederein
Daan is ‘t ei groet fies!
Couplèt 2 Noe nao al die jaore
Heet ze’m umgebouwd tot kaar
Huur dao kump zie al vaan wied
Verkleid wie ‘ne clochard
Meziek dee heet ze bove drop
Zie drejt daan mèt ’r koont
De lui die doen daan lösteg mèt
Mestreech springk in ‘t roond
2007
Reube, Friet en Beer (B. Hoekstra, F. Fernhout, J. Holthuis en J. Schöpping)
Prins: Roland I (R.Dear)
Refrein: M’n ma die is vaan Lummel
Miene pa dee kump oet Hier
Vaan Mestreech is geine
En mien tant die woent in Kier
Veer zien vaan Wiek en Wolder
Dao tösse sjijnt ’t leech
Dao zien veer neet gebore
En dao ligk noe zjus Mestreech
Dao zien veer neet gebore
En dao ligk noe zjus Mestreech
Koeplèt: Iech zaog häör bij de statie
Dat meidske had väöl gratie
Iech dach aon ’n relatie
En zag häör: “Excuseer”
Zègk wèlste mèt miech sjanse?
Zègk miech wie zien mien kanse?
Zie zag “iech wèl gere danse
Mèt ‘ne ras Mestreechteneer”.
Koeplèt: Iech kós häör neet vergete
iech moch toen koume ete
dat waor toen ech genete
mèt reube, friet en beer
iech wèlde häör versere
’t meidske caressere
meh pa gaof häör neet gere
aon ‘ne nep Mestreechteneer
Koeplèt: Op aondrang vaan mamake
leet iech ’t beer miech smake
iech wis ‘m good te rake
wie ‘nen tempeleer
Pa zag: “laot iech ins dinke
En op de touwkoms klinke
es iech diech zoe zeen drinke
Biste ech Mestreechteneer”
2006
Mie Fietske (N. Fabry en R. de Pauw)
Prins: Norbert I (N. Frijns)
Refrein: Wat 'ne elend, wat 'n pech
Mie gans nui fietske dat is weg
't is neet geklajd, 't is neet gestole
meh de gemeinte is mie fietske weg goon hole
Is dat noe sjiek? Is dat noe sjoen?
Wat moot iech zoonder fietske doen?
Mieljaar, wat höb iech noe e leid
Kin iemes miech vertèlle boe mie fietske steit?
Koeplèt: Iech koch miech lès e fietske, zoe nuierwèts model
mèt vaan de hippe kleure en mèt 'n sjieke bel
Iech ging 't oetperbere, zoe midde in de stad
En höb 't bij e buimke eve neergezat
En ouch al leep iech gaar neet wied
Mie nui fietske bin iech kwiet. !
2005
Laot de zon ....(N. Heutz en R. Grootars)
Prins Luc I (L. Schoonbrood)
Refrein:
Laot de zon in dien hertsje meh sjijne
Touver noe ‘ne lach op die geziech
Laot dien zörg wie de wolke verdwijne
Kom noe zing en dans die drei daog laank mèt miech
Laot de zon in dien hertsje meh straole
Jao de leefde die bleujt veur us twie
Ech gelök is mèt goud neet te betaole
Kom geef miech dien hand iech bin verleef en wie.
Veers:
Diech zaots mèt Vastelaovend op e benkske in Mestreech
Dien traone zaog iech sjittere oonder ’t staareleech
Iech waor oonderstebove kraog kriebels in de maog
Iech zag 'leef keend kom dans mèt miech noe naor de regebaog.
2004
Verleef op `t Mooswief (P.vd.Weijer)
Prins Corné I (C.Gillissen)
Refrein:
iech bin verleef...op `t Mooswief
hiel de wereld maag `t wete
zie is zoe leef....`t is e moordwief
zie is gewoen um op te vrete
zien iech häör haange, weur iech bevaange
jao zie is veur miech de perel vaan Mestreech
iech zow `ns gere, mèt häör flanere
`s aoves laat bij stareleech
Couplèt:
op vastelaovendszoondag kump zie aon
gans oetgelaote staon iech daan al orelaang väöraon
um twelf oor hingk zie weer in de loch
en daan bin iech weer veur dre daog laank verkoch
iech kiek naor häör, en zie naor miech
zie lach miech aon, rech in mie geziech
2003
Mestreech is te gek (Ursula en Bert Garnier)
Prins Leon II (L.Geurtjens)
Refrein:
Is ’t mooswief neet te zwoer veur op 't Vriethof?
En kinne veer dao springe allemaol,...?
En op dinsdag mèt al us herremeniekes,...!
Stèl d'ch veur vaan neet, daan höbste e sjendaol!!!
Kinne veer noe langs de Maos nog wel flanere?
Of brikste dao messjien nog diene nek?
Mèt Vastelaovend zal ziech geine sjaggenere,...
Want die drei daog in Mestreech die zien te gek!!!
2x
Koeplèt......
Aon alle kante rammelt,.....Mestreech vendaog d'n daag.
Dao weurt wel aon gewèrrek....
Mer soms e bitsje traag.
Eus stad moot d'r op veuroet goon.
Dus eve gein gezeur!
'T leid is zoe vergete,...Karneval steit veur de deur!
Iech höb allein nog evekes ’n vraog,......
Die ligk miech noe al weke op de maog!
2002
Geef miech drei daog (P.Ruijters/M/Quaaden)
Prins Bèr III (B.Eggen)
Refrein:
Geef … miech … drei daog Vastelaovend
Daan bin iech 'ne ganse nuie mins
Vaan de mörge tot de laten aovend
Goej iech miech dedoor vervöl mien allergroetste wins.
Geef miech drei daog Vastelaovend
Daan kin iech weer e gans jaor laangk veuroet
Iech höb niks aon zoe’n sjieke therapie
Dee vastelaovend , jao dee deit 't um en wie …
Koeplèt:
Miene blooddrök is te hoeg; iech zeen ze vlege
Iech bubbel, daorum vèlt al wat iech eet,
Me werk, nein dao kin iech neet mie tege
Dao is neet väöl, wat iech neet mie vergeet
Meh kom iech bij de specialis
Vertèl iech wat veur miech ’t bèste is: ...
2001
Es iech dee samba huur (R.de Pauw)
Prins Willy III (W.Verweij)
Leef keend ... es iech de samba huur
Jao daan ... staon iech in vlam en vuur
Daan wèl iech danse .. mèt diech
Noe loer 'ns hei ... nao mie geziech
Leef keend ... es iech de samba huur
Jao daan ... raak iech zoe euverstuur
Want iech bin hei allein veur diech
Zègk noe toch jao tege miech
Iech stoont dao in e heukske get te sjanse
Mèt häör wouw iech zoe gere danse
wie iech de samba hoort waor iech verkoch
Vaan blijsjap spróng iech in de loch
Toen zong iech dees wijs
Iech wet ’t gans persijs ...
Leef keend ... es iech de samba huur
Jao daan ... staon iech in vlam en vuur
Daan wèl iech danse .. mèt diech
Noe loer 'ns hei ... nao mie geziech
Leef keend ... es iech de samba huur
Jao daan ... raak iech zoe euverstuur
Want iech bin hei allein veur diech
Zègk noe toch jao, jao tege miech
2000
Noe is `t tied (Patrick vd.Weijer)
Prins Peter II (P.Reijnders)
Koeplèt:
Veer zien zoe vaan die lui, veer stoon dèks euveraol väöraon
en zeker met vastelaovend, num dat vaan us aon
want zien de naojes vaan de keersboum d'r aof
daan tèlle veer de daog weer langsem aof
Refrein:
Noe is 't tied tot de meziek begint te speule
lui goon drejje wie 'n meule in 't roond, de gansen tied
Leedjses klinke wie gediechte, zuug dee lach op die geziechte,
ach wat veule veer us riek.
Noe is 't tied Zingentere goon veer same euver straot
Eder zate hermenieke späölt häör sjoenste melodieke
gans Mestreech moot wete :
't is noe weer zoe wiet!