1970 - 1979
1979
Straotkarneval (P.Leenders/H.Hetzels)
Prins Michel I (M.Severijns)
Koeplèt:
Wie in us aajd Mestreech de vastelaovend weurt gevierd
Dat vinste nörreges
Wie dat diech door dien moojer en d'nne vajer woort gelierd
Zeuk dat mer örregens
Mestreechtenere zit de vastelaovend in ‘t blood
Vaan s’aoves tot smörregens
't zinge en ‘tt springe deit haöm zeenderouge good
Heer vergit zien zörreg ins
Refrein:
Mestreech, Mestreech, stad zoe sjoen aon de Maos
Es de boonte störrem raos
Mestreech, Mestreech, boe iech euveral waor
Toch verlangde iech steeds naor
Mestreech, Mestreech, wat iech noets vergete zal
Ouch al weur iech hoonderd jaor, is diene straotcarneval
1978
Drei daog (Jean vd Meulen & Hans Sitskoorn)
Prins Funs II (A. Otten)
Couplèt:
Mèt Vastelaovend is 't weer zoe wiet.
Die drei daog wèl iech noets mie kwiet.
Iech haw vaan lol en väöl plezeer.
Wie 'nen echte Mestreechteneer!
Refrein:
Drei daog gaon iech weer aon de zwier,
pak miech e pèlske kier op kier
en bij 't Mooswief e spierke poor.
Vaan ‘s mörgens vreug tot ‘s aovends laat,
springe door de Groete Staat.
Zoe goej iech miech dedoor.
1977
Hand aon Hand (J. Pletzers/J. Kraft)
Prins Wum I (W. Fischer)
Koeplèt:
Boe Abraham de mosterd haolt, boe Bartel tap de wien,
en boe e pelske neet versjaolt, dao moot ’t gezellig zien.
Jao dat vindste allemaol,
boe me sprik Mestreechter taol.
Refrein:
Hand aon hand, ping ping, poet aon poet, ping ping.
En zoe make veer eine spiereling.
Hand aon hand, ping ping, poet aon poet, ping ping.
Vaan d'n Observant tot de Bessing.
1976
Hawwe zoe (J. Loontjens/D. de Pauw)
Prins Funs I (A. Kerckhoffs)
Koeplèt:
Iech höb ut in mien vinger Iech höb ut in mien han
't geit vaan kop tot tiene en klapper met m'n tan
Want huur iech al die trommels en ouch de hermenie
daan bin iech neet te hawwe en spring alvas veur twie
Refrein:
Mestreech zoe moot 't blieve Mestreech zoe moot 't zien
Kom goei diech toch dedoor En zèt 'm weer 'ns op
Of laop op diene kop
1975
De meitskes vaan Mestreech (J. Pletzers/D. de)
Prins Gène I (E. Janssen)
Koeplèt:
Sint Pieter zag: wat noe gedoon?
Iech leet de deur op e kierke stoon
Missjiens waor iech verblind door ‘t leech ,
m'n sjoenste ingele die vloge nao Mestreech
Refrein:
't Is geinen hopsasa 't Is geinen tralala
't Is of d'n hiemel ope geit
zuug ze flaneere Dat doen ze geere
Dat zien de meitskes vaan Mestreech
1974
Pak uuch vas (M. Limpens/J vd Meulen)
Prins Willy II (W. Fey)
Koeplèt:
Medemsje op de merret beloert ziech dat 'ns good.
Ze lach um al die maskes, kreig kriebels in häör blood.
Al steit ze tusse slaoj, unne kuul en poor.
Gans Mestreech goeit ziech dedoor.
Refrein:
Pak uuch vas, pak uuch vas,
haolt eur pekskes oet de kas.
Karneval in Mestreech.
Pak uuch vas, pak uuch vas,
aoch 't maske keump vaan pas.
Want 't is weer Karneval.
1973
Boe Boe Boe (D. de Pauw)
Prins Lu I (L. Lieben)
Koeplèt:
Este soms get zaat bis En ‘t ouch al laat is
Zeukste gèt wat naat is En wat oet ut vaat is
En este zoeget gaar neet vins
Zing daan mer heller este kins
Refrein:
Boe kreig iech nog e pötsje beer?
Boe höb iech nog 'n oor plezeer?
Boe bleif iech es Mestreechteneer?
Boe....? Boe....? Boe....?
1972
De Zaate Herremenie (J. Hoenen)
Prins Herman I (H. Cox)
Koeplèt:
Hei in us aajt Mestreech, is weer e nuij orkès
Ze speule wèl hiel hel, mèh valser es de rès
Ze zien altied bejein en howwe op de kis
Me huurt ze euveral ouch es ’t aofgeloupen is
Refrein:
De zaate hermenie, de zaate hermenie
Die trek altied mer weier ouch al kinne ze neet mie
De zaate hermenie, de zaate hermenie
Die speult neet sjoen, mèh hel en dus veur twie, en wie!
1971
't Zwumbad (B. Erven/G. vd Lende)
Prins Raymond I (R. Willems)
Koeplèt:
'T Vriethof krijg e zwumbad bij
de kojl is al gemaak
Parkeere is veurgood veurbij
't werrek weurd gestaak
De bak löp vol tot bovenaon
Zjeng wèlt dao noe nao tow
Heer trèk ziech gaw ’n zwumbrook aon
En reup daan op zien vrouw.
Refrein:
Trinet, zwum mèt miech mèt
Veer duuke vaan Sint Jaan
Want Verhagen wèt devaan
Trinet, zwum mèt miech mèt
Veer duuke vaan Sint Jaan
Want Verhagen wèt devaan
Trinet, Trinet, Trinet.
1970
't Masjoretsje (J. Pletzers/D. de Pauw)
Prins They III (Th. van Kan)
Koeplèt:
Marjo die wèlt zoe geere met häör kwiek model
Veur 'n hermenie marsjeere, now, now dat kin ze wel
En mèt de vastelaovend presenteert ze kier op kier
Häör allerleefste snuutske, jao ze is e lekker dier
Refrein:
Marjo, Marjo, diech brings Mestreech vaan d'n apropo
Marjo, Marjo, dat is a majoretsje a go-go
Marjo, Marjo, diech brings Mestreech vaan d'n apropo
Marjo, Marjo, dat is a majoretsje a go-go