2020 - 2024
2024
In Mestreech (Patrick Jaspers)
Refrein:
In Mestreech, in Mestreech zien v’r drei daog oonderweeg
Um us weer ‘ns good te ammesere
In Mestreech, in Mestreech dao weurt joonk en aajd verleef
Es ze door de straote bamboechere
En es ’t eine zuut en dink: dat löp nog in de sop
Daan doen veer in Mestreech d’r nog e sjöpke bovenop
In Mestreech, in Mestreech is e gleeske noets haaf leeg
Veer viere obbenuits mèt flair ‘t leve
Couplèt:
’t Hertsje vaan Mestreech dat kleurt weer drei daog roed, geel, greun
In rijaloet löp joonk en aajd de zaole vaan de sjeun
Meziek dat klink weer euveral dao is weer goojen doors
’t Leukste nog vaan al is dat Mestreechs geawwehoors
Brögk:
Veer lierde dat vaan keends aon gaondeweeg
Dat is zoe sjoen aon Vastelaovend in Mestreech
Ind:
In Mestreech, in Mestreech, in Mestreech, Mestreech, Mestreech
2023
De Vastelaovendspripperatie (Noël Fabry & Raymond de Pauw)
Couplèt:
Pieke vaan hei neve heet zie pekske al gepas
Mia vaan hei euver haolt de pruke oet de kas
’t Hermenieke rippeteert get vals en väölste hel
De trommel vaan Lewieke krijg daodoor e gans nui vel!
De daog die weure noe weer aofgetèld
Daan kump wat ederein zoe gere wèlt:
Refrein:
Mestreech viert Vastelaovend!
Mestreech geit aon de geng!
Dat is ’t sjoenste wat besteit veur ‘nen echte Sjeng!
’t Mooswief op de Merret die heet ’t us belaof:
Die daog vaan “haldaldei” en “laot mer goon”
die nump us geine aof!
Couplèt:
Vastelaovendsleedsjes huurste noe weer euveral
Nètsje nejt häör klèdsje en geit nao ’t Prinsebal
Tant Fien prop häör kalbas vol mèt get veur d’n appetiet
De Prins vaan Klein-Ternejje zeuk de sajs veur zien tuut friet
Zoe prippereert ziech hei weer ederein:
Mestreech dat sjöddelt drei daog achterein!
Refrein: (2x)
die nump us geine aof!
2022
De Vastelaovendskis (Stefan Gybels & Patrick Ummels)
Prins Roel I (Roel Akkermans)
Refrein:
De kis vaan Frits en May zit vol historie,
’t is ’n Vastelaovendsrillekwie.
Bij eder pekske zit ’n sjoen memorie.
’t Gief mötse, maskes, pruke en zoe mie.
Alles maag nao pèls en friete ruke,
veur Frits en May is dat wie after-shave,
want es ze same in die kis goon duke,
daan weure zie obbenuits weer straolverleef.
Couplèt:
Bij Frits en May op zolder, dao steit ’n groete kis,
e gans jaor stöb te vaange, daan weurt ze neet gemis.
Meh roond de Vastelaovend, daan weurt Frits obstenaot,
zie Mayke zeet daan gaw: “Iech geef diech eine raod”.
De kis, de kis, de Vastelaovendskis!
Refrein: (2x)
Daan weure zie obbenuits weer straolverleef.
2021
Us Mestreechs (Erwin Lennarts & Patrick Ummels)
Refrein:
Iech sjrijf 't zus
Heer sjrijf 't zoe
Veer goon toch neet nöddele
Iech zing 't zus
Heer zingk 't zoe
Es Mestreech noe mer blijf sjöddele
Iech zègk 't zus
Heer zeet 't zoe
't Kin us niks verrèkke
't Is Mestreechs toch? Zoewiezoe!
Couplèt:
Iech loup in d'n optoch
en iech in de cortège
Zaot vreuger op mezieklès
en iech lierde solfège
Zing iech dat wel zuver?
Moot dat neet propel zien?
Die dissonante toene,
die mage d'r wel zien!
Brögk:
't Kin dus ouch gebäöre
tot iech miech ins verdaol
Zoelang 't mer gein Huilands is
spreek dien Mestreechter taol
2020
Verleef op Mestreech (Ron Nieste & Patrick Ummels)
Prins Luc II (Luc van Lijf)
Refrein:
Och wat is ’t hei toch fijn
mèt z’n alle hei bijein.
Mestreech … iech bin verleef.
Mèt z’n alle d'r op oet in dee groete rijaloet.
Mestreech …boe iech um geef.
Huur iech de hermeniekes speule: krijg iech ’t in de kop.
Krijg iech euveral sjevraoje,
kin niks aanders tegenop!
Iech veul miech zoe gelökkeg, bin blij tot iech hei leef.
Mestreech … iech bin verleef!
Couplèt:
Eus stad zit vol tradities, dao is altied get te doen.
Meh ’t sjoenste vaan dit alles: ”Vastelaovend spant de kroen”.
Daan zien veer neet te hawwe, trèkke vaan bal nao bal.
Zoe goon veer daan op weeg nao de Mestreechter karneval.
Dee Vastelaovend is zoe sjoen …
Iech bin zoe gruuts tot iech hei woen!!
