Eve veurstèlle - Ruud Bogaert
15 november 2024
Goojendaag allemaol,
Aongenaom um miech aon uuch es nuien Tempeleer te mage prizzentere!
Iech bin ‘ne energieke vastelaovendsenthousiastelling mèt väöl leefde veur historie en cultuur. Daorum loer iech oet um joonk, aajd en nui Mestreechtenere te informere euver de beteikenis en tradities vaan euze Mestreechter Vastelaovend. Iech zeen dit es ‘ne unieke kans um ze kinnes te laote make mèt de rieke cultuur en historie achter dees speciaol daog. Vaan kleurrieke cortèsj en kostuums tot deepgewortelde lokale gebruke. ‘t Mage deile vaan dees kinnes zörg deveur tot ederein de echte essentie vaan euze Vastelaovend begrip en apprècieert. Wat de band binne de gemeinsjap allein mer versterk.
‘t Is veur miech ‘ne groeten ier um te mage bijdrage aon de organisatie vaan euze Mestreechter Vastelaovend. En iech hoop tot iech mien ervaring in de gasvrijheid en ‘t organisere vaan eveneminte nog lang maag blieve inzètte um dit sjoen fies veur ‘t Mestreechter volk te mage verzörge.
Hopelek tot gaw!