Kinder Teikenwedstrijd
3 jannewarie 2024
Veur de kinder t/m 12 jaor organisere de Tempeleers aoch dit jaor weer ‘nne “Kinder Teikenwedstrijd” . Geer kint hei veur ein vaan de kleurplate die geer op dees pagina kint downloade gebruke, of maak zelf ’n zelf ’n sjoen teikening of kunswèrk en maak kans op ein vaan de leuke preize.
Wie kinste mètdoen?
Maak vaan de teikening, kleurplaat of kunswèrk ‘nne foto en stuur dee uterlek 03 fibberwarie 2024 per email nao teikenwedstrijd@tempeleers.nl.
Zet in de mail wel eure naom, leeftied en tèllefoonnómmer vaan ein vaan de awwers/verzörgers.
SVP Allein de teikening, kleurplaat of kunswèrk fotografere. Gein kinder op de foto zette!!!
Wie wèrk de wedstrijd?
De ingesjikde foto’s weurde in ‘nne fotoalbum op www.tempeleers.nl geplaots. Zoe kin ederein alle teikeninge, kleurplate en kunswèrke kin bewoondere.
Oet alle inzenmders kees de Jäögprins, - prinses of -prinsepaar ‘nne top drei. D’n oetslaag weurt op 07 fibberwarie 2024 bekind gemaak en de preize oetgedeilt. De preiswinnars kriege hei euver beriech.
Bezunderhede:
‘t Formaat vaan de kleurplaat of zelf gemaakde teikening maag maximaol A4 (29,7 x 21 cm.) zien.
Vraoge?
Sjik daan ‘nen e-mail nao teikenwedstrijd@tempeleers.nl ter attentie vaan Tempeleer Huub Stevens.
Kleurplate:
Kleurplaat gemaak door Jasmijn - 1
Kleurplaat gemaak door Jasmijn - 2
Kleurplaat gemaak door Eline - 1
Kleurplaat gemaak door Eline - 2